NEHKEN PERSEPULUHEN TANDA KEHAMATEN
Ulangen 14: 22-29
A. PERSIKAPEN
B. PERPULUNGEN JABU-JABU
Rende KEE No. 372: 1.3 “Pujilah Tuhan si Badia”
ERTOTO
RENUNGEN
NGOGE KATA DIBATA
Teks : Ulangen 14: 22-29
Tema : Nehken persepuluhen tanda kehamaten
Adi ercakap kerna persepuluhen minter nge si inget maka enda salah sada persembahen si sipatna wajib janah iendesken sekali sebulan. E maka lanai bo asing adi isingetken kerna kata persepuluhen. Sabab situhuna kerna persepuluhen enda lanai kita erlajar, oraten Perpulungen Jabu-Jabu sekali setahun mereken pengangkan banta kerna persepuluhen. Gerejanta GBKP ngelakoken persepuluhen mulai tahun 2001. Pelaksananna nge enda perlu igiatken.
Engkai makana kita nehken persepuluhen? Sabab enda perentah Tuhan/ Dibata nuruhsa guna idalanken. I bas kitab Ulangen si isina pengulangen kotbah-kotbah Musa isuratkenna uga situhuna kerna persepuluhen enda. Kata serapkenlah (ay. 22) ertina ikhususken. Ikhususken guna iendesken man Tuhan. I bas terjemahan NIV (New International Version) ipake kata “haruslah engkau benar-benar mempersembahkan sepersepuluh dari seluruh hasil benih…..dst“. Bage pe si nen i bas Imamat 27:30, 32 “sepersepuluh i bas ulih tanehndu nari, subuk page, subuk buah kayu, e jadi sikerajangen Tuhan”, “Sada teptep sepuluh asuh-asuhen Tuhan empuna.” Konsep enda ngingetken banta kepe persepuluhenta e sikerajangen Tuhan.
Kita enggo jadi anak-anak sikerajangen Tuhan, kita enggo ipilih jadi bangsaNa jine (ay. 2a) e maka kita patuh man Dibata dingen ncidahken kehamaten man Dibata arah nehken persepuluhenta. Adi persepuluhen e i bas bentuk barang dingen ndauhsa ibaba guna ipersembahken, banci idayaken lebe e maka baba me tukurna ku ingan ersembah e. Situasina asum si e i tengah-tengah Bangsa Israel melala curakna: enterem denga si lenga nehken persepuluhen, lit ka si enggo mereken persepuluhen tapi lenga bo alu payo sepersepuluh arah si ialokenna bas Tuhan nari, lit ka deba enggo nehken persepuluhen tapi engkelangi (la rutin). Kinata i tengah-tengah Bangsa Israel e nai la obahna ras i tengahtengah perpulungenta. Tuhu lit nge si lenga mere persepuluhhen, lit si enggo merekenca tapi lenga sepersepuluhna bage pe lit si enggo mere persepuluhen tapi engkelangi (la tiap bulan).
Dibata tetap ngingetken maka persepuluhen si itaruhken e pe lit si man berenken man kalak Lewi, kalak pertandang, anak melumang ras diberu balu-balu si ringan i kutandu, enda ilakoken tiap ujung tahun peteluken. Ertina maka i bas kewajiben nehken persepuluhen enda gkas lit perhatin man kalak si la lit ertana. Dibata ngingetkenca dingeh nehi padanNa masu-masu kerina si idahiken kalak si patuh ngendesken persepuluhenna.
I bas Tata Gereja GBKP Tata Laksana pasal 70 tentang sumber pengadaan keuangan dan harta benda poin 2 dituliskan bahwa persembahan persepuluhan atau bulanan (disampaikan setiap bulan). Teptep persembahen persepuluhen si iendesken kita, 10 % guna kas sektorta, 50 % guna kas runggunta ras 40 % isetor ku moderamen via klasis. Si enda kerina ipakeken guna dana pelayanen tritugas gereja bage pe pelayanen personalia GBKP. Alu muat bagin neken persepuluhen kita pe enggo muat bagin i bas mendukung pelayanen.
Ukur si patuh dingen mehamat man Tuhan, pentar dingen meteh nehken persepuluhen bahken jadi usihen pe. Lanai belinken sekai nge arus ibereken, sumber siapai saja nge ibuat guna persepuluhenta, lanai mbandingken diri kempak kalak si deban. Tapi bagi salah sada tata nilai i bas GBP GBKP kerna kesetiaan uga gelahna kita tetap ndalankenca alü bujur dingen erkemalangen nandangi Tuhan.
NURIKEN PENGGEJAPEN
– SIMADA JABU
– BAPA, NANDE, ANAK, SAITUN
– IRAKUT SERAYAN
DISKUSI
– Arihken kai nge dalanna maka teptep bulan min anggota sektorta nehken persepuluhen?
AKSI :
Masing-masing kita ngendesken persepuluhen ratur teptep bulanna, persingeti temanta si lenga pernah entah pe lenga teratur mereken persepuluhenna.
RENDE KEE NO. 451: 1-2 “Maleriah Pasu-PasuNdu” (Persembahen)
PERTOTON SAPAAT RAS PERTOTON TUHAN (IBABAI SERAYAN)
1) Persembahen
2) Si mada jabu (ingan pulung) berngi enda ras minggu si rehna
3) Gelah kerina nehken persepuluhen
4) Si turah i bas perpulungen
5) Pertoton Tuhan
MOMO
C. JEDAH RAS PENUTUP
