Ogen : Heber 6:1-6
Tema : Ndalanken peraten Dibata
Tujun : Gelah Mamre :
1) Meteh kerna peraten Dibata si jadi I bas geluh manusia
2) Tetap ndalanken peraten Dibata I bas kegeluhenna
1. PERLEBE
Ogenta eme bentuk nasehat, persinget i bas penulis man perpulungen Heber i belang-belang doni, maka erkiniteken arus erdewasana (bertumbuh), ula bage-bage saja malah mundur. Sabab adi la berkembang (dewasa) resikona dungna banci mpersilahang Dibata (la ndalanken peraten Dibata) seh dungna banci murtad (nundalken Dibata). Adi bage enggo bene keselamatenta. Berati, gia kita enggo Kristen, adi la ndalanken peraten Dibata labo ndatken keselamaten. Jadi jelas siman pelajarenta i bas PA nta enda eme gelah Si eteh maka Idnitekenta arus erdewasana (bertumbuh) gelah ngasup kita ndalanken peraten Tuhan: jadi pasu-pasu man doni enda. Si la dewasa labo ngasup ndalanken peraten Dibata.
2. ISI
1) Konteks ogenta eme penulis ngidah maka kiniteken pembaca (kalak Heber i perantauan) sulit kal ngaloken pengajaren simbaru erkiteken: latar belakang kalak enda kalak Jahudi, si kental kal pengaruh budaya ras agama Jahudi (Judaisme). Pengajaren Taurat si mbue peraturen-peraturen sebagai syarat keselamaten tetap nggeluh i bas pusuhna ras itambah ipengaruhi ka pengajar-pengajar sesat. Alu bage Kristen pe ia tetap ka nge pergeluhna bagi sindekah lalap eme mementingken peraturen-peraturen keanggotaan, acara-acara kebaktin, pembersihen, penumpangen tan, kekeken i bas simate nari, rsd., si sipatna Iahiriah kerina. Sementara sikap nggeluhen i bas Kristus labo soal. peraturen ntah pe konsep Lain tapi perbahanen eme engkelengi Tuhan ras teman (jadi pasupasu man kalak sideban). Keadaan enda me erbahanca maka i bas Heber 5:11-14 nina penulis mesera iakapna nurikenca man kalak enda sabab perpulunghen e melet (lamban) ngangkasa, bagi bayi minem susu denga, langa ietehna kai si benar ras si salah. Langa memenuhi syarat ia jadi guru, sabab si dalankenna eme tetap pengajaren-pengajaren si pemena (dasar). Ipakena kata “nepios” bayi yang menyusu, langa ngasup mbedaken si mehuli ras si jahat, si benar ras si salah. La jelas pemahamenna kerna kebenaren. Enda labo erkiteken kurang cerdas, tapi langa ia terlatih milih si mehuliras nulak si la payo.
Dewasa, ipake kata “teleios” = sempurna, matang ras terlatih, siap tanding, enggo terlatih. Sibagenda enggo terlatih secara rohani emaka ngasup mbedaken apai si benar ras si salah, si benar ras si jahat.
Idealna kalak Si erkiniteken menurut penulis eme arus erdewasana ras terus maju ras bertumbuh secara rohani I bas ndalanken peraten Dibata si la terbatas lalap ersoal kerna ajaren dasar ndai tapi ndalanken misi Dibata eme nehken keselamaten man se isi doni enda (aksi perbahanenna). Jadi, labo lalap berkutat soal aturen ras lokal saja, tapi bermisi guna jadi pasu-pasu man doni enda.
2) Sebage akibat adi la berkembang ikatakenna lit 3 (telu) hal sijadi (ay. 4-6) eme:
- Perpulungen e banci la ndalanken peraten Dibata(mpersilahang Dibata)
- Banci murtad ia (nadingken Kristus)
- Keselamatenna bene gia enggo pernah inanami ras ialokenna pemere Dibata e (ay.4). Ipake kata “photizo” Si ertina iterangi, eme kalak si enggo pernah iterangi pusuhna. Berarti jelas maksud penulis eme man kalak Heber Kristen (Si erkiniteken). Banci denga nge bene keselamatenna gia enggo pernah iterangi ras ngaloken pemere Dibata erkiteken nadingken (murtad).
3. PENGKENAINA
Mamre GBKP arusna terus erdewasana ras berkembang maju I bas pelayanan dingen erguna man seisi doni enda, sabab eme pendilo (panggilen) erkiniteken. La banci hanya erkutat I bas aturen-aturen internal kepengurusen ras aturen P2P saja. Simejilena buen min kita ngelai gunajadi pasu-pasu man doni enda asangken ncakapken (ngeranai) sabab eme peraten Tuhan sue tema nta. Perlu Si eteh, maka lit gunana ntah daulatna kita kalak erkiniteken enda, erkiteken erguna man kalak sideban (jadi pasu-pasu) sue sasaren pelayanen gerejanta bas tahun enda. Adi lang, gia tutus ku gereja, PA, jadi pengurus, rsdna, labo kita erguna.
Adi bege sia- sia me kerina, kita pe bali ka nge ras perpulungen Heber enda ndai la dewæsa, emaka labo peraten Dibata sidalanken tapi peratenta (doni). Deba sitadingken pe persadan e perbahan la siakap cocok, lanai reh-reh ku gereja, ku PA, rsd. Adi bage me enggo termasuk nulak Dibata (murtad), emaka keselamaten siiarapken kita pe labo sialoken pagin.
4. DISKUSI
1) Turiken pengangkanta kerna dewasa i bas ndalanken peraten Dibata.
2) Cuba si data I bas kai kai saja nge kita enggo ndalanken peraten Dibata ras I bas kai ka si langa ?
USULEN ENDE-ENDEN
- KEE GBKP No. 92:1-2
- KEE GBKP No. 204:1-3
- KEE GBKP No.
- KEE GBKP No. 323
- KEE GBKP No. 254:1- persembahen
